سياسة الخصوصية
مسودّة. النص بمراجعة محامي، وممكن يتغيّر قبل الإطلاق الرسمي.
منحترم خصوصيّتك. هون منشرح شو منجمع، ليش، مع مين منشارك، وشو حقوقك، حسب قانون حماية الخصوصية (1981) وتعديلاته، ومنها تعديل 13.
1. شو منجمع
- معلومات الحساب: اسم، إيميل، تلفون، اسم البزنس.
- ملفّات بترفعها: صور، لوغو، خطوط، نصوص، فيديو، صوت.
- شغل منعمله إلك: تصاميم، نصوص، خطط، وموافقاتك وتعديلاتك (عشان نتعلّم ذوقك).
- دفع: مبالغ وفواتير. تفاصيل الكرت بتروح مباشرة لـ Tranzila أو PayPal، ما بتوصلنا.
- استعمال تقني: عنوان IP، نوع جهاز ومتصفّح، سجلّات أمان. كوكيز بس اللي لازمة للدخول والأمان (شوف الكوكيز).
2. ليش
عشان نعطيك الخدمة، نحاسب، نبعتلك فواتير، نحمي الحساب، نحسّن الشغل، ونلتزم بالقانون. رسايل تسويق منبعت بس إذا وافقت، وبتقدر توقفها بكبسة (حسب חוק התקשורת، «חוק הספאם»).
3. مع مين منشارك
ما منبيع معلوماتك. منشارك بس مع خدمات بتشتغل عنّا، وبس اللي لازم:
- Cloudflare: سيرفر، تخزين، حماية.
- Google (Drive، Gemini)، OpenAI، Anthropic (Claude)، Higgsfield: إنتاج وتخزين الشغل.
- Tranzila، PayPal: دفع. Morning / iCount: فواتير.
قسم من هاي الشركات بيحفظ معلومات برّا إسرائيل (مثلاً بأمريكا وأوروبا)، تحت اتفاقيات حماية. كمان منعطي معلومات إذا القانون أو المحكمة بيطلبوا.
4. قدّيش منحفظ
طول ما حسابك فعّال. بعد ما تسكّر الحساب، منمسح الملفّات خلال 90 يوم، إلا اللي القانون بيلزمنا نحفظه (مثلاً فواتير، 7 سنين).
5. أمان
تشفير (HTTPS)، صلاحيات محدودة، حماية من الهجمات، ومفاتيح الخدمات محفوظة بخزنة مش بالكود. ما في نظام محمي 100%، وإذا صار حادث أمني خطير منبلّغ حسب القانون.
6. حقوقك
إلك حق تشوف المعلومات اللي عنّا عنك، تطلب تصليحها أو مسحها، وتوقف رسايل التسويق. ابعتلنا عـ إيميل التواصل ومنرد خلال 30 يوم.
7. أولاد
الخدمة لعمر 18 وفوق.
8. تواصل
اسم العوسك / الشركة · إيميل التواصل · رقم التلفون